O CATECISMO DO LABREGO E OUTRAS PROSAS

A prosa literaria galega ten en Valentín Lamas Carvajal (1849-1906) un dos seus primeiros e máis eficaces cultivadores. El é, sen dúbida, o prosista do rexurdimento, que foi sen embargo un movemento fundamentalmente poético. O Catecismo do Labrego (1888) é un dos textos de máis aceptación popular da historia das nosas letras, exemplo vibrante de humor e xornalismo. Agudo polemista, intelixente observador da realidade, retratista de cadros de costumes, precursor de periodistas, coñecedor da lingua e dos seus rexistros máis populares... Nesta edición reúnese unha ampla mostra do seu labor xornalístico e literario.